Үндэсний статистикийн хороо нийгэм, эдийн засгийн ээлжит тайланг танилцууллаа. Гадаад худалдааны бараа эргэлтийн хэмжээ 2023 оны эхний 9 сард 18.1 тэрбум ам.доллар болж, өмнөх оны мөн үеэс 2.8 тэрбум ам.доллар буюу 18.1 хувиар өссөн байна. Экспорт 11.3 тэрбум ам.доллар болж, өмнөх оны мөн үеэс 26.6 хувиар, импорт 6.8 тэрбум ам.доллар болж, өмнөх оны мөн үеэс 6.3 хувиар өсжээ. 

Манай улс БНХАУ-тай 2023 оны эхний 9 сард 13.0 тэрбум ам.долларын худалдааг хийжээ. Энэ нь гадаад худалдааны нийт бараа эргэлтийн 72.3 хувийг эзэлж байна. БНХАУ-д экспортолсон барааны 61.7 хувийг чулуун нүүрс, 19.4 хувийг зэсийн баяжмал эзэлж байгаа бол Швейцар улсад экспортолсон барааны 99.5 хувийг алт эзэлж байна.