Стратегийн 39 ордыг цувралаар бид танилцуулж байна. Гурав дахь нь фосфоритын Манхан уул. Тус орд нь Хөвсгөл аймгийн Алаг-Эрдэнэ сумын нутагт оршдог. Улсын төсвийн хөрөнгөөр хайгуул хийгдсэн.
Хөвсгөлийн Алаг-Эрдэнэ орчим Монголын фосфоритын томоохон нөөцүүд бүртгэгдсэн бөгөөд үүний нэг нь Манхан уул орд юм.
Манай орны фосфоритын ай савыг Завхан, Хөвсгөл гэж авч үздэг. Хөвсгөлийн савд 1970-аад оноос хайгуулын ажил эхэлж хийгдсэн бөгөөд үр дүнд нь 20 орчим орд нээж, фосфоритын 1.6 тэрбум тонн нөөц илрүүлсэн байдаг.
