Монгол Улс энэ оны эхний 8 сард нийт 53.7 сая тонн нүүрс экспортлов. Энэ нь өнгөрсөн оны мөн үетэй харьцуулахад 31.3 хувиар /40.9 сая тонн/ өссөн үзүүлэлт юм. Тайлант хугацаанд дотоодын нийт экспортын 51.7 хувийг нүүрс дангаараа бүрдүүллээ. Нүүрсний хилийн дундаж үнэ тонн тутамдаа 24.9 ам.доллароор буурсан дүнтэй байна. Монгол Улс энэ онд экспортлох нүүрсний хэмжээгээ шинэчилж, 75 сая тонн болгоод байгаа.