"Эрдэнэт үйлдвэр" ТӨҮГ томоохон бүтээн байгуулалтын төслүүд хэрэгжүүлж буй. Үүний нэг нь Баяжуулах үйлдвэрийн хүдэр боловсруулалтын хүчин чадлыг жилд 2 сая тонноор нэмэгдүүлэх төсөл. Уг төслийн өргөтгөлийн ажлын туршилт дуусаж, гүйцэтгэл нь 98 хувьд хүрсэн байна. Ингэснээр "Эрдэнэт үйлдвэр"-ийн хүдэр боловсруулалтын хүчин чадалд жилд 40 сая тоннд хүрэх юм. Баяжуулах үйлдвэрт хийгдсэн бүтээн байгуулалтын ажлууд төлөвлөсөн хугацаандаа бүрэн дуусаж, ашиглалтад орж байгааг тус цехийн дарга М.Отгон онцолжээ.