“Эрдэнэс Тавантолгой" ХК: Жилд 10 сая тонн нүүрс баяжуулж, өрсөлдөх чадвараа нэмэгдүүлнэ
2024.06.20
416
“Эрдэнэс Тавантолгой" ХК: Жилд 10 сая тонн нүүрс баяжуулж,  өрсөлдөх чадвараа нэмэгдүүлнэ

"Эрдэнэс Тавантолгой" ХК-ийн Нүүрс баяжуулах үйлдвэрийн анхны бүтээгдэхүүний үйлдвэрлэл, туршилт, тохируулгын нээлтийн үйл ажиллагаа эхэллээ. Нээлтийн арга хэмжээнд Уул уурхай, хүнд үйлдвэрийн дэд сайд Б.Уянга, "Эрдэнэс Монгол" нэгдлийн гүйцэтгэх захирал С.Наранцогт, Засгийн газрын хэрэг эрхлэх газрын дэд дарга бөгөөд "Эрдэнэс Тавантолгой" ХК-ийн Төлөөлөн удирдах зөвлөлийн дарга У.Бямбасүрэн, "Норинко Интернэшнл Күүперэшн" корпорацийн захирлын үүрэг гүйцэтгэгч Ян Шяо Чин, "Эрдэнэс Тавантолгой" ХК-ийн гуйцэтгэх захирлын үүрэг гүйцэтгэгч Х.Мөнхжаргал тэргүүтэй зочид төлөөлөгч оролцож, үйлдвэрийн анхны тэжээл өгөх үйл ажиллагааг эхлүүллээ.

viber_image_2024-06-21_13-02-25-412 

“Эрдэнэс Тавантолгой” ХК Стратегийн ач холбогдол бүхий томоохон 10 төсөл хөтөлбөрийг хэрэгжүүлж байна. Эдгээр төслийн нэг болох Нүүрс баяжуулах үйлдвэрийн төслийг 2022 онд эхлүүлж өнөөдөр төслийн эхний шат болох жилд 10 сая тонн нүүрс баяжуулах хүчин чадалтай үйлдвэрийг ашиглалтад орууллаа.

Уул уурхайн салбарыг хөгжүүлэх, нэмүү өртөг шингэсэн бүтээгдэхүүн үйлдвэрлэлийг бий болгох, эдийн засгийн өсөлтийг дэмжих зорилгоор Монгол Улсын Их Хурал, Засгийн газрын тогтоол шийдвэрээр Тавантолгойн ордыг түшиглэн жилд 30 сая тонн нүүрс баяжуулах хүчин чадалтай Нүүрс баяжуулах үйлдвэрийн төслийг хоёр үе шаттайгаар хэрэгжүүлж байна.

viber_image_2024-06-20_14-02-26-141 

Нүүрс баяжуулах үйлдвэр бүрэн ашиглалтад орсноор “Эрдэнэс Тавантолгой” ХК жилд дунджаар 24 орчим сая тонн бүтээгдэхүүн үйлдвэрлэн борлуулж, 1.9 тэрбум ам.долларын борлуулалтын орлого олж, 197.3 сая ам.долларын цэвэр ашигтай ажиллах бөгөөд улс болон орон нутгийн төсөвт татвар, төлбөр хэлбэрээр нийт 185.8 сая ам.долларыг төвлөрүүлнэ.

Мөн төсөл хэрэгжсэнээр улс орны болон бүс нутгийн нийгэм эдийн засгийн өсөлтийг дэмжиж 472-928 шууд ажлын байрыг шинээр бий болгож, жилд дунджаар 185.8 сая ам.долларыг улс орон нутгийн төсөвт оруулж, улмаар ордын нөөцийг хаягдал багатай, иж бүрэн ашиглах, экспортыг нэмэгдүүлэх, бүтээгдэхүүний чанарт тавигдах шаардлагыг оновчтой байдлаар хангах, экологийн сөрөг нөлөөллийг бууруулах, нэмүү өртөг шингэсэн бүтээгдэхүүний үйлдвэрлэлийн хэмжээ, үр ашиг ихээхэн нэмэгдэх зэрэг олон эерэг давуу тал бий болох юм.

Төслийн нийт санхүүжилт 1 их наяд төгрөг, үүнээс одоогийн байдлаар 796 тэрбум төгрөгийн санхүүжилт хийгдээд байна. Нүүрс баяжуулах үйлдвэр нь Ази номхон далайн бүсэд үйлдвэрлэл, технологиороо тэргүүлэгч брэндүүдийн техник, тоног төхөөрөмжөөр тоноглогдсон бөгөөд байгаль орчинд ээлтэй, үр ашигтай технологитой гэдгээрээ онцлогтой.

Төслийн Ерөнхий гүйцэтгэгчээр БНХАУ-ын “Норинко Дади” түншлэл “Дади Инженеринг Девелопмент Групп” компаниуд оролцож УУХҮЯ, Эрдэнэс Тавантолгой ХК-ийн инженерүүд хяналт тавьж ажилласан байна.

viber_image_2024-06-20_14-02-26-787

viber_image_2024-06-20_14-01-44-491

viber_image_2024-06-20_14-02-29-441

viber_image_2024-06-20_14-02-17-359  

 

Сэтгэгдэл
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд бид хариуцлага хүлээхгүй.