Монгол Улс энэ оны төсөвт нийт 60 сая тонн нүүрс экспортлох зорилт дэвшүүлсэн. Нүүрсний экспорт 2024 оны тавдугаар сарын 27-ны байдлаар 29,9 сая тонн болж, өнгөрсөн оны мөн үетэй харьцуулахад 34 хувиар өссөн талаар Гаалийн ерөнхий газар мэдээллээ.

Монголын хөрөнгийн биржээр 2023 оны 1 дүгээр сараас эхлэн экспортод гаргах нүүрсний арилжааг эхлүүлсэн. Тэгвэл 2024 оны 5 дугаар сарын 23-ны өдрийн байдлаар нийт 546 удаагийн арилжаагаар 26.2 сая тонн нүүрс арилжаалжээ.