Л.Баярмандал: Хариуцлагатай уул уурхайг бодлогоор дэмжинэ
2023.09.14
258
Л.Баярмандал: Хариуцлагатай уул уурхайг бодлогоор дэмжинэ
АМГТГ-ын дарга Л.Баярмандал “Уул уурхай бол Монголын эдийн засгийн голлох салбар төдийгүй дотоодын нийт бүтээгдэхүүний 24 хувь, нийт экспортын 93 хувийг эзэлдэг. Мөн ажил хөдөлмөр эрхлэлтэд өндөр жин дардаг том салбар юм. Энэ эерэг үзүүлэлтийг цаашид улам илүү өсгөхийн зэрэгцээ байгаль орчны сөрөг нөлөөллийг бууруулж, хариуцлагатай уул уурхайг хөгжүүлэх, олборлож түүхийгээр гаргадаг бус боловсруул

Уул уурхай, хүнд үйлдвэрийн яам, Ашигт малтмал, газрын тосны газар, Монголын Уул Уурхайн Үндэсний Ассоциаци, Олборлох Үйлдвэрлэлийн Ил Тод Байдлын Санаачилга хамтран зохион байгуулж буй “Хариуцлагатай уул уурхай” чуулга уулзалт Говь-Алтай аймгийн Алтай хотод үргэлжилж байна.

Чуулганыг АМГТГ-ын дарга Л.Баярмандал нээж үг хэлсэн бөгөөд тэрбээр “Уул уурхай бол Монголын эдийн засгийн голлох салбар төдийгүй дотоодын нийт бүтээгдэхүүний 24 хувь, нийт экспортын 93 хувийг эзэлдэг. Мөн ажил хөдөлмөр эрхлэлтэд өндөр жин дардаг том салбар юм. Энэ эерэг үзүүлэлтийг цаашид улам илүү өсгөхийн зэрэгцээ байгаль орчны сөрөг нөлөөллийг бууруулж, хариуцлагатай уул уурхайг хөгжүүлэх, олборлож түүхийгээр гаргадаг бус боловсруулж, аж үйлдвэржүүлэн, нэмүү өртөгөө Монголдоо үлдээхэд төрийн бодлого чиглэж байгаа”-г онцолсон юм.

Тус өдөрлөгт баруун бүсийн таван аймаг Говь-Алтай, Ховд, Увс, Завхан, Баян-Өлгийд хайгуул олборлолтын чиглэлээр үйл ажиллагаа явуулж буй гадаад, дотоодын хөрөнгө оруулалттай аж ахуйн нэгжүүд болон тухайн бүсийн төрийн байгууллага, иргэний нийгэм, орон нутгийн иргэдийн төлөөлөл оролцож байна. 

Эрдэс баялгийн салбарын ашиг тус, түүний үр нөлөө, ил тод байдлыг оролцогч талуудад үнэн зөвөөр хүргэх, хариуцлагатайгаар үйл ажиллагаа явуулж буй уул уурхайн төслүүдийг олон нийтэд таниулах, оролцогч талуудын хамтын ажиллагааг сайжруулах, бүс нутгийн хөгжлийг дэмжих, тулгамдсан асуудлаа хэлэлцэх нь энэхүү чуулга, уулзалтын зорилго юм.

 

 

 

Сэтгэгдэл
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд бид хариуцлага хүлээхгүй.