47 дахь жилдээ үйл ажиллагаа явуулж буй "Эрдэнэт үйлдвэр" ТӨҮГ дахиад 55 жил ажиллах үйлдвэрийн нөөцөө тогтоож, ТЭЗҮ хийлгээд байна. Тус үйлдвэр анх 1978 онд 34 жил ажиллах ТЭЗҮ-ээр үйл ажиллагаагаа эхлүүлж байсан түүхтэй.
"Эрдэнэт үйлдвэр"-ийн Ерөнхий захирал Г.Ёндон "Эрдэнэт үйлдвэрийн хүний нөөцийг чадварлаг баг хамт олноор бүрдүүлж чадсан. Манай үйлдвэр цаашид тогтвортой 55 жил ашиглах геологийн нөөцтэй. Энэ нөөцөө ашиглах чадвартай хүний нөөц байна. Ийм хоёр нөөцтэй байхад ямар ч шинэ техник, технологийг үйлдвэрлэлд нэвтрүүлэх чадвар, чадамж бидэнд бий" хэмээн онцолжээ.
