Сүүлийн 60 жилийн хугацаанд дэлхий даяар нэг хүнд ноогдох эрчим хүчний хэрэглээ 39.3% өсөж, 2023 онд 21,394 кВт.ц хүрлээ. Улс орнууд цэвэр эрчим хүчийг тэргүүн зорилтоо болгож, сэргээгдэх болон цөмийн эрчим хүчний хэрэглээг нэмэгдүүлэхэд анхаарч буй.

 

Энэ үед эрчим хүчний үйлдвэрлэлд давамгайлж буй шатах түлшний хэрэглээ буурах хандлагатай байгаа ч байгалийн хий, газрын тосны хэрэглээ тогтвортой байж, нүүрсний хэрэглээ түүхэн дээд түвшинд хэвээр байгаа юм. Нөгөө талаас эрчим хүчний шилжилтийг хурдасгахад цөмийн эрчим хүчийг найдвартай, үр ашигтай шийдэл гэж үзэх хандлага дэлхий дахинд улам бүр нэмэгдэж байна.