Жил бүрийн хавар геологийн салбарын мэргэжилтнүүд нэгэн дор цугларч, салбарынхаа хамгийн сүүлийн үеийн ололт амжилтын талаар харилцан мэдээлэл солилцох, хамтдаа өсөж хөгжих нэгэн чухал арга хэмжээг тэсэн ядан хүлээдэг. Энэ удаагийн чуулга уулзалт ч мөн адил салбарын мэргэжилтнүүдийн мэдлэг, туршлагаа хуваалцах, шинэ технологи, инновацыг танилцуулах, хамтын ажиллагааг өргөжүүлэх өргөн боломжийг олгох болно.

Монголын үйлдвэрлэлийн геологичдын холбооны санаачилгаар энэхүү чуулга уулзалтыг 2009 оноос хойш зохион байгуулж ирсэн билээ. "МОНГОЛЫН ГЕОЛОГИ, ХАЙГУУЛ 2025" 16 дахь удаагийн чуулга уулзалт, үзэсгэлэнг “Эрэл, хайгуулыг дэмжих нь” сэдвийн дор 2025 оны 3 дугаар сарын 27, 28-ны өдрүүдэд Улаанбаатар хотноо өнөөдөр болон маргааш зохион байгуулах болсныг танд албан ёсоор зарлахад таатай байна.

"Монголын Геологи, Хайгуул 2025" чуулга уулзалт, үзэсгэлэнг хоёр өдрийн турш танхимаар зохион байгуулж, онлайнаар шууд дамжуулна. Энэхүү арга хэмжээ нь салбарын хамтын ажиллагааг өргөжүүлэх, шинэ технологи, судалгааны дэвшлийг танилцуулах, эрдэс баялгийн хайгуулын салбарт ил тод байдлыг хангахад чиглэнэ.

Арга хэмжээний онцлох үйл явдлууд

"МОНГОЛЫН ГЕОЛОГИ, ХАЙГУУЛ 2025" чуулга уулзалтын хүрээнд дараах үйл ажиллагаануудыг зохион байгуулна:

• Үндсэн хуралдаан, хэлэлцүүлэг– Геологи, эрдэс баялгийн салбарын тэргүүлэх мэргэжилтнүүдийн оролцоотой
• Байгууллагуудын танилцуулга, үзэсгэлэн
• “Мэргэжил сурталчлах үзэсгэлэн”– Олон нийтэд нээлттэй, тэнцвэртэй мэдээлэл хүргэх
• Хөрөнгө оруулагчдын бизнес уулзалт– Хайгуул, ашиглалтын төслүүдийг танилцуулах
• “Хайгуулчин” сэтгүүл 69-р дугаар
• Шилдэг баг шалгаруулах шагналууд:
  • “Шилдэг зураглалын баг”
  • “Шилдэг хайгуулын баг”
  • “Шилдэг сэдэвчилсэн судалгааны баг”
• Оюутны эрдэм шинжилгээний бага хурал– Залуу судлаачдын илтгэл, судалгааны бүтээлийн хэлэлцүүлэг
• “Монгол орны байгаль – Хайгуулчдын дуранд” гэрэл зургийн үзэсгэлэн
• “Эрдэс чулуулгийн цуглуулга, дээжис” үзэсгэлэн
• Мэргэшүүлэх сургалтууд
• Уурхайтай танилцах аялал

Онцлох зочин илтгэгчид ба тусгай сургалт

Бид энэ жил анх удаа олон улсад нэр хүндтэй, шилдэг зочин илтгэгчдийг эх орондоо урьж байгаадаа баяртай байна. Тэд манай геологийн салбарын мэргэжилтнүүдтэй мэдлэг, туршлагаа хуваалцаж, салбарын хөгжлийг дэмжих үнэтэй мэдээлэл, шинэ хандлагыг танилцуулах болно.

Доктор, Профессор Жеф Каерс (PhD)

Стэнфордын их сургуулийн Газрын болон гараг судлалын профессор, Геофизикийн салбарын хүндэт багш, Mineral-X компанийн үүсгэн байгуулагч

Товч намтар:

Жеф Каерс нь Бельгийн Католик Лёвен их сургуульд Уул уурхайн инженер, геофизикийн магистрын зэрэг (1993), Уул уурхайн инженерийн докторын зэрэг 1997 онд хамгаалсан. Одоогоор Стэнфордын их сургуульд Дэлхий болон гараг судлалын профессорын алба хашиж байна. Тэрээр өгөгдлийн шинжлэх ухаан, хиймэл оюун ухаан, эрсдэлийн тодорхойгүй байдалд суурилсан шийдвэр гаргалтын чиглэлээр судалгаа хийж, Стэнфордын Mineral-X төвийг байгуулж, эрдэс баялгийн хайгуулын салбарын зардлыг бууруулах, шинэ ордуудыг илрүүлэх чиглэлээр ажиллаж байна. Тэрээр 2019 оноос KoBold Metals компанийн зөвлөхөөр ажиллаж байгаа бөгөөд эрдэс баялгийн өгөгдлийн шинжилгээ, шийдвэр гаргалтын чиглэлээр таван ном бичиж хэвлүүлсэн. Тэрээр Геостатистикийн олон улсын холбооны Крумбайны медаль-аар карьерынхаа амжилтыг үнэлүүлсэн.

Илтгэлийн сэдэв: Хүний оролцоотой өгөгдлийн шинжлэх ухаан, хиймэл оюун ухааны тусламжтайгаар хайгуулын үр ашгийг нэмэгдүүлэх нь.

Доктор Армелле Клоппенбург (PhD)

4DGeo компанийн структур геологи, зөвлөх, Доктор Армелле Клоппенбург (PhD)

 Товч намтар:

Доктор структур геологич Армелле Клоппенбург нь Геологийн ухааны магистрын зэргээ Utrecht Utrecht Их сургуулийн дэлхий судлалын тэнхимд "Үндсэн чулуулгийн структур геологи, тектоник" чиглэлээр хамгаалж энэ чиглэлээрээ дагнаж ажиллаж ирсэн. Геологийн ухааны докторын зэргээ /PhD/ Utrecht Их сургуулийн дэлхий судлалын тэнхимд "Марбл Бар нэг төрлийн бүс, Пилбара гранит-ногоон чулуулгийн террейний структур хөгжлийн түүх" сэдвээр хамгаалсан. Австралийн Архейн хурдас- Хээрийн болон лабораторийн судалгааг хослуулсан судалгаагаар мэргэшсэн. Одоогоор 4DGeo компанид Ашигт малтмалын хайгуул, уул уурхай, нефть, геотермийн салбаруудад структур геологийн зөвлөхөөр ажиллаж байсан ба Өмнөх туршлагуудыг дурдвал:

• Ахлах структур геологич/ Бизнес хөгжлийн хариуцан мэргэжилтэн - Midland Valley Ltd (The Hague office, Netherlands) Төслийн төлөвлөлт, техникийн ажил болон үйлчлүүлэгчидтэй харилцан албыг хашиж, ахлах зөвлөхөөр олон улсын төслүүд дээр ажиллаж байсан.
• Структур геологич - Midland Valley Ltd (Head Office in Glasgow, Scotland) Структур геологийн зөвлөхөөр голчлон Европ, Өмнөд болон Хойд Америк, Ази дахь нефттэй холбоотой төслүүд дээр ажиллаж байжээ.

Илтгэлийн сэдэв: Ашигт малтмалын хайгуулын структур геологи – Баян Хөндий алтны ордын структур бүтэц

Деформацид өртсөн чулуулгийн онцлог, ашигт малтмалын үүсэлтэй хамаарах хагарал, эрдэсжилтийн системийг хэрхэн урьдчилан таамаглах талаар сонирхолтой илтгэл тавигдана!