Орон нутгийн өмч давамгайлсан “Тавантолгой” ХК нь уул уурхайн бүтээгдэхүүний экспортыг нэмэгдүүлэх зорилгоор коксжих нүүрсийг Ханги-Мандалын боомтоор экспортлох анхны тээврийг эхлүүллээ. Ингэснээр зөвхөн Ганцмод боомт чиглэлд тээврлэлт хийдэг байсан бол Ханги-Мандал боомтын тээвэрлэлтийг эхлүүлснээр тээврийн хувьд шинэ гарц бий болж, нүүрсний экспорт нэмэгдэх боломж бүрдэж байгааг тус компани онцоллоо.