Гашуунсухайт-Ганцмод боомтын хил дамнасан төмөр замын бүтээн байгуулалт үргэлжилж байна. Тус хил дамнасан төмөр замын анхны дам нурууг угсарчээ. Гашуунсухайт-Ганцмод боомтын хил дамнасан төмөр замын 8 багц ажлын гүйцэтгэл 22,16 хувьтай үргэлжилж байна. Тодруулбал, Багц 2 буюу урт гүүрийн ажлын хүрээнд 13 тулгуур баганын их биеийн угсралтын ажил бүрэн дууссан. 9 тулгуур баганын угсралтын ажил явагдаж байгаа бөгөөд 2183 шон суурь байгуулж, 118 ширхэг суурийн доод хөндлөн нуруу /ростверк/, 19 ширхэг тулгуур байгуулсан байна.