"Баянхөндий" төслийг хэрэгжүүлж буй "Эрдэнэ Монгол" компани Баянхонгор аймгийн ЗДТГ-тай санамж бичиг өнгөрсөн оны 12 дугаар сард байгуулсан. Санамж бичгийн хүрээнд аймгийн төвийг Шинэжинст сумын төвтэй холбосон хатуу хучилттай авто замын ТЭЗҮ-ийг боловсруулж өгөхөөр талууд тохирсон билээ. Энэ дагуу "Эрдэнэ Монгол" компани ТЭЗҮ боловсруулах мэргэжлийн байгууллагыг сонгон шалгаруулж, тус ажил өнөө дуусах шатандаа оржээ. ТЭЗҮ-ийг боловсруулж, хүлээлгэн өгснөөр аймаг, сумыг холбосон хатуу хучилттай авто зам барих эхлэл тавигдах юм.
