Дэлхийд анх удаа 1256 метрийн гүнд буюу Оюу толгойн гүний уурхайд Ардын зураач, Төрийн соёрхолт, УГЗ Ш.Чимэддоржийн “Салхины хээ” үзэсгэлэн дэлгэгдлээ. Энэхүү үйл явдал нь соёл урлагийн түүхэнд шинэ хуудас нээж, уурхайн ажилтнууддаа эдгээр хосгүй бүтээлүүдийг толилуулж байна. "Оюу толгой" компани нь Монголын үндэсний соёл урлаг, өв уламжлалыг түгээн дэлгэрүүлэх, уран бүтээлчдийн бүтээлийг олон нийтэд хүргэх санаачлагыг тууштай дэмжиж ирсэн юм. Энэхүү үзэсгэлэн нь 2024 оны 9 дүгээр сарын 9-ний өдрөөс 15-ны өдөр хүртэл үргэлжилнэ.