ЭТТ: 128 мянган тонн нүүрсийг боомт руу хүргэж өгөх нөхцөлөөр арилжлаа
"Эрдэнэс Тавантолгой" ХК 2026 оны 04 дүгээр сарын 07-ны өдөр Монголын Хөрөнгийн Биржээр дамжуулан 2 удаагийн арилжаагаар 128.0 мянган тонн нүүрсийг нийт 12.8 сая ам.долларын үнийн дүнтэйгээр БНХАУ-ын боомт хүргэж өгөх нөхцөлөөр арилжааллаа.
- 1/3 коксжих нүүрс - 64.0 мянган тонн, 88.3 ам.доллароор арилжаалж нийт 5.65 сая ам.долларын үнийн дүнтэйгээр амжилттай хэлцэл хийгдлээ. Арилжаанд 6 оролцогч оролцож үнэ 5.0 ам.доллароор буюу 6.0% өслөө.
- Баяжуулсан сул коксжих нүүрс - 64.0 мянган тонн, 111.7 ам.доллароор арилжаалж нийт 7.15 сая ам.долларын үнийн дүнтэйгээр амжилттай хэлцэл хийгдлээ. Арилжаанд 7 оролцогч оролцож үнэ 12.5 ам.доллароор буюу 12.6% өслөө.
2026 он гарсаар "Эрдэнэс Тавантолгой" ХК 89 удаагийн арилжаагаар 390.6 сая ам.долларын үнийн дүн бүхий 4.77 сая тонн нүүрс арилжлаа.
