УУХҮЯ-ны Төрийн бичгийн даргаар томилогдсон С.Магнайсүрэн үүрэгт ажлаа хүлээн авлаа
2023.09.14
191
УУХҮЯ-ны Төрийн бичгийн даргаар томилогдсон С.Магнайсүрэн үүрэгт ажлаа хүлээн авлаа
С.Магнайсүрэн нь 2015 оны 10 дугаар сараас Барилга, хот байгуулалтын яамны Төрийн нарийн бичгийн даргаар ажиллаж байсан туршлагатай.

Засгийн газрын 2023 оны 9 дүгээр сарын 13-ны өдрийн 347 тоот тогтоолоор Уул уурхай, хүнд үйлдвэрийн яамны Төрийн нарийн бичгийн даргаар Барилга, хот байгуулалтын яамны Төрийн нарийн бичгийн даргаар ажиллаж байсан Сандагийн Магнайсүрэнг шилжүүлэн томилсон. 

Тогтоолыг Засгийн газрын хэрэг эрхлэх газрын дэд дарга Д.Батбаатар танилцуулж, УУХҮЯ-ны Төрийн нарийн бичгийн дарга С.Магнайсүрэнд ажлын амжилт хүслээ. Мөн тэрбээр салбар яамны нийт албан хаагчдад хандан төрийн албан хаагчийн ёс зүйг чандлан сахиж, өргөсөн тангарагтаа үнэнч байж, төрийн үйлчилгээг чирэгдэлгүй хүргэхэд хамтран зүтгэж ажиллахыг үүрэг болгов. 

378718779_649921617327466_4612142734375487206_n Сандагийн Магнайсүрэн нь Говь-Алтай аймагт төрж өссөн, эрх зүйч мэргэжилтэй, УИХ-ын Тамгын газарт туслах, зөвлөх, Нарийн бичгийн дарга, Сүхбаатар дүүргийн ЗДТГ-т Тамгын газрын дарга, ХХААЯ-нд Сайдын зөвлөх, Сангийн яаманд Газрын дарга, Хөдөлмөрийн яам /тухайн үе/-нд ТНБД-аар, 2015 оны 10 дугаар сараас Барилга, хот байгуулалтын яамны Төрийн нарийн бичгийн даргаар ажиллаж байсан туршлагатай.

Сэтгэгдэл
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд бид хариуцлага хүлээхгүй.