Олон улсын зарим хэвлэл мэдээллээр Хятадын эдийн засгийн өсөлт муу байна, үл хөдлөх хөрөнгийн зах зээл нь тогтворгүй болсон, цаашид эдийн засгийн өсөлт нь царцах магадлалтай хэмээн мэдээлж байгаа ч тус улсын төрийн өмчит “China Daily” сонин өөр байр суурийг илэрхийлжээ.

Тус сонины мэдээлснээр “Хятадын эдийн засаг өнгөрсөн 2023 онд гадаад, дотоодын тодорхойгүй орчин, эрсдэл сорилтуудыг үл харгалзан тогтвортой өсөлтийг хангаж байна. Дэлхийн бусад томоохон улс орнуудын эдийн засагтай харьцуулахад Хятадын өсөлт илүү сайн явагдаж байгаа. Хятадын дотоодын зах зээлийн эрэлт нийлүүлэлт, хөрөнгө оруулалт нэмэгдсэнээр тус улсын эдийн засгийн сэргэлт цаашид ч эрчимтэй явагдах ба ойрын хугацаанд аливаа хямрал нүүрлэнэ гэдэг нь буруу таамаг юм” гэжээ.  

Эх сурвалж: China Daily Hong Kong Edition, 2024 оны 3 дугаар сарын 1-ний дугаар, Нүүр хэсэг