Монголын Уул Уурхайн Үндэсний Ассоциацийн 2024 оны бүх гишүүдийн ээлжит чуулган өнөөдөр боллоо. Чуулганаар МУУҮА-ийн 2023 оны үйл ажиллагааны тайланг хэлэлцэж,  2024 оны үйл ажиллагааны төлөвлөгөөг баталсан байна. 

Бүх гишүүдийн чуулганаар 2024 онд зохион байгуулагдах Улсын Их Хурлын сонгуультай холбогдуулан эрдэс баялгийн салбарын зүгээс улс төрийн нам, хүчнүүдэд хандсан уриалга гаргалаа. Энэхүү уриалга нь сонгуулийн жилийн улс төрийн хөтөлбөр, үйл ажиллагаанд эдийн засгийн тулгуур салбараа “оноо авах” зорилго сэдлээр ашиглах, тогтвортой байдалд нь сөргөөр нөлөөлөх аливаа үйлдлээс татгалзаж, улс орны нийтлэг эрх ашгаа мартахгүй байхыг уриаллаа.