Төлбөрийн тэнцэл 2023 оны эхний 9 сард 791.4 сая ам.долларын ашигтай гарлаа. Төлбөрийн тэнцэл нь тухайн улсын эдийн засгийн гадаад бодлогын нэрийн хуудас гэж эдийн засагчид үздэг. Өнгөц харахад "статистик" гэсэн утгаар техникийн шинжтэй боловч макро эдийн засгийн хамгийн чухал үндсэн үзүүлэлтийн нэг юм.
Төлбөрийн тэнцлийн урсгал данс 2022 оны эхний 9 сард 1.8 тэрбум ам.долларын алдагдалтай гарч байсан бол энэ оны эхний 9 сарын урьдчилсан гүйцэтгэлээр 6006.7 сая ам.долларын ашигтай гарсан нь эдийн засагт эерэг мэдээ. Урсгал данс ашигтай гарахад барааны худалдааны экспорт нэмэгдэж, барааны худалдааны тэнцэл 3.4 тэрбум ам.долларын ашигтай гарсан нь нөлөөлсөн байна.
Барааны экспорт эерэг гарахад уул уурхайн бүтээгдэхүүн, түүний дотор нүүрс давамгай үүрэг гүйцэтгэж байна.
