Санхүүгийн тогтвортой байдлын зөвлөл хуралдаж, нүүрсний экспортыг эрчимжүүлэх, төлбөрийн тэнцлийн дарамтыг бууруулах, алтны үйлдвэрлэлийг нэмэгдүүлэх гарц, шийдлийг хэлэлцжээ. Тус зөвлөлийн хуралд Сангийн сайд Б.Жавхлан, Монголбанкны ерөнхийлөгч Б.Лхагвасүрэн, Санхүүгийн зохицуулах хорооны дарга Т.Жамбаажамц, Хадгаламжийн даатгалын корпорацийн гүйцэтгэх захирлын үүрэг гүйцэтгэгч С.Баатарсүрэн болон бусад албаны хүмүүс оролцсон байна.
Санхүүгийн тогтвортой байдлын зөвлөлөөс Засгийн газар, Монголбанканд Хүнсний гол бүтээгдэхүүний нийлүүлэлтийг тогтвортой хангаж, үнийн өсөлтөөс сэргийлэх, Уул уурхайн экспортод тулгарч буй саад бэрхшээлийг арилгах чиглэлээр арга хэмжээ авч хэрэгжүүлэх зөвлөмж хүргүүлэхээр болжээ.
