“Монголын геологи, хайгуул 2026” чуулга уулзалт ирэх өдрүүдэд буюу 2026 оны 3 дугаар сарын 26-27-нд Корпорэйт конвеншн төвд 17 дахь жилдээ зохион байгуулагдах гэж байна. Тус арга хэмжээг Монголын Үйлдвэрлэлийн Геологичдын холбоо санаачлан зохион байгуулж ирсэн. Чуулга уулзалтын эхний өдөр Үндэсний геологийн албаны дарга Н.Мөнхбилэг “Бодлого, Хамтын Ажиллагаа” хэсэгт “Монголын геологийн судалгааны өнөөгийн байдал, хэтийн төлөв” сэдвээр илтгэгчээр оролцох бол Аж үйлдвэр, эрдэс баялгийн сайд Г.Дамдинням тус хэсэгт “Эрдэс баялгийн салбарын бодлого, эрх зүйн орчин” сэдвээр илтгэл танилцуулахаар байна.

Мөн "Эрдэнэт үйлдвэр" ТӨҮГ-ын Хөгжлийн хэлтсийн Ерөнхий геологич Д.Алтанхуяг (PhD) чуулга уулзалтын “Геологи, Хайгуул” хэсэгт “Эрдэнэтийн овооны Оюут зэсийн ордын нарийвчилсан хайгуул" сэдвээр илтгэгчээр оролцох аж.