Гаалийн ерөнхий газраас оны эхний 10 сарын экспорт, импорт, гадаад худалдааны статистик мэдээллийг танилцууллаа. Манай улс 2025 оны эхний 10 сард экспортолсон хар тугалганы хүдэр болон баяжмал, төмрийн хүдэр, цайрын баяжмал, түүхий нефть, чулуун нүүрсийг 100.0 хувь БНХАУ-д; зэсийн баяжмал, хүрэн нүүрсний 99.9 хувийг БНХАУ-д; самнасан ноолуурын 82.9 хувийг БНХАУ-д тус тус экспортолж дээрхи нэрийн бараа нь экспортын нийт дүнгийн 81.7 хувийг эзэлж байна.