Аж үйлдвэр, эрдэс баялгийн сайд Г.Дамдинням "Монголын эдийн засгийн үндсэн тулгуур нь уул уурхайн салбар. Манай эдийн засаг уул уурхайгаас хэт их хамааралтай байна. Монгол Улс зөвхөн байгалийн баялагтай гэсэн ойлголт өрөөсгөл юм. Дэлхийд манайхтай ижил төрлийн 80 гаруй улс бий. Тиймээс бид бусдаас ялгарах, онцлогтой бодлого боловсруулж хэрэгжүүлэх шаардлагатай. Үүний тулд байгалийн нөөц баялаг хаана, ямар хэмжээтэй байгааг нарийн мэдэх шаардлагатай. Өнөөгийн эдийн засгийн гол хөдөлгөгч уурхайнууд нь 1990 оноос өмнөх хайгуулын үр дүнд бий болсон. Тухайлбал, хайгуул олборлолтоос ойролцоогоор 10 жилийн өмнө эхэлдэг. Ашигт малтмалын салбарын ил тод байдлыг хангаж, хөрөнгө оруулагчдыг татахын тулд хайгуулын лицензийг олон улсад хүлээн зөвшөөрөгдсөн байдлаар, олон төрлөөр олгодог болно" гэв. 

 

"Мөн уул уурхайн салбарын бүтээгдэхүүн бүрийн онцлогт тааруулсан бодлого баримтлан хэрэгжүүлэх нь чухал. Үгүй бол бид эдийн засгийн савалгаанд байнга өртсөөр байх болно. Монгол Улсын эдийн засаг нүүрснээс хэт хамааралтай байгаа тул өнгөт металлуудыг дэмжиж, газрын ховор элемент, алт, зэс зэрэг бусад чухал минералуудтай зохицсон бодлого явуулах нь зүйтэй" хэмээн салбарын бодлого, чиглэлээ танилцуулсан юм.