УИХ-ын 2025 оны хаврын ээлжит чуулганы хуралдаанаар энэ 7 хоногт хэлэлцэх асуудлын тов, дарааллаас дараах асуудлыг онцолж байна. 

Лхагва гараг /2025.05.14/

Ажлын хэсгийн хуралдаан: Аж үйлдвэржилтийн бодлогын байнгын хороо, "Их засаг" танхим, 

• Үйлдвэрлэлийн зориулалтаар ашиглаж байгаа усны нөөцийн зөв зохистой ашиглалт, усны ашиглах боломжит нөөц, ус хэрэглээний хэтийн төлөв, ус ашигласны болон ус бохирдуулсны үнэ, төлбөр, үр дүнгийн талаар холбогдох санал, дүгнэлт гаргах, шийдвэрийн төсөл боловсруулах үүрэг бүхий ажлын хэсгийн хуралдаан

Байнгын хорооны хуралдаан: Эдийн засгийн байнгын хороо, "Их эзэн Чингис хаан" танхим, 

•  Зөвшөөрлийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүд /Засгийн газар 2025.03.26-ны өдөр өргөн мэдүүлсэн, анхны хэлэлцүүлэг, үргэлжилнэ/
• Санхүүгийн зохицуулах хорооны 2024 оны үйл ажиллагааны тайлан
• Үндэсний статистикийн хорооны 2024 оны үйл ажиллагааны тайлан

Пүрэв гараг, 2025.05.15

Чуулганы нэгдсэн хуралдаан, Их хуралтай танхим

•    “Монгол Улсын хөгжлийн 2026 оны төлөвлөгөө батлах тухай” Улсын Их Хурлын тогтоолын төсөл /Засгийн газар 2025.04.30-ны өдөр өргөн мэдүүлсэн, нэг дэх хэлэлцүүлэг/
• Зөвшөөрлийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүд /Засгийн газар 2025.03.26-ны өдөр өргөн мэдүүлсэн, анхны хэлэлцүүлэг, асуулт, хариулт 90 минут/

Баасан гараг /2025.05.16/

Чуулганы нэгдсэн хуралдаан, Их хуралдай танхим

• Монгол Улсын нэгдсэн төсвийн 2026 оны төсвийн хүрээний мэдэгдэл, 2027-2028 оны төсвийн төсөөллийн тухай хуулийн төсөл болон хамт өргөн мэдүүлсэн тогтоолын төсөл /Засгийн газар 2025.04.30-ны өдөр өргөн мэдүүлсэн, хэлэлцэх эсэх, асуулт, хариулт 180 минут/
• Хот, тосгоны эрх зүйн байдлын тухай хууль /Шинэчилсэн найруулга/-д өөрчлөлт оруулах тухай хуулийн төсөл болон хамт өргөн мэдүүлсэн хууль, тогтоолын төслүүд /Засгийн газар 2025.05.09-ний өдөр өргөн мэдүүлсэн, хэлэлцэх эсэх, асуулт, хариулт 120 минут/
• Санхүүгийн зохицуулах хорооны орон тооны бус гишүүнийг томилох тухай асуудал
•   “Засгийн газарт чиглэл өгөх тухай” Улсын Их Хурлын тогтоолын төсөл