Дэлхийн уул уурхайн салбарын хамгийн том цугларалт, хөрөнгө оруулагчдын уулзах цэг PDAC 92 дахь удаагаа Канад улсын Торонто хотод 2024 оны 3 дугаар сарын 3-6-ны өдрүүдэд зохион байгуулагдах гэж байна.
Монгол Улс энэхүү Олон улсын эрдэс баялгийн хайгуул, олборлолтын чуулга уулзалтад жил бүр идэвхтэй оролцож, өөрийн орны уул уурхайн бодлого, хөрөнгө оруулалтын орчин, шинэ төслүүдээ танилцуулж ирсэн. Жилээс жилд манай орны оролцоо нэмэгдэж, аж ахуйн нэгжүүд өргөн хүрээнд оролцох болсон.
Хөрөнгө оруулагчдад хүрч ажиллах, олон улсын уул уурхайн чиг хандлага, зах зээлийн нөхцөл байдлыг тодорхойлох PDAC 2024 чуулга уулзалтад Уул уурхай, хүнд үйлдвэрийн яам, Монголын Уул уурхайн үндэсний ассоциаци нь хувийн хэвшлийн төлөөллүүдтэйгээ хамтран үзэсгэлэнгийн талбай гаргаж, Монгол Улсын эрдэс баялгийн салбарыг сурталчлан таниулах ажлыг ирэх жил уламжлал ёсоор зохион байгуулах гэж байна.
Уг өдөрлөгт байрлах үзэсгэлэнгийн талбайд өөрийн төслөө сурталчлан хөрөнгө оруулалт татах, олон улсын хөрөнгө оруулагчидтай холбогдох бол МУУҮА-ийн 8888-9878 дугаар болон info@miningmongolia.mn хаягаар холбоо барих боломжтой.
Үзэсгэлэнгийн талбайн 3D зурагтай танилцана уу.