Ерөнхий сайдын дэргэдэх Эдийн засгийн хөгжлийн зөвлөлийн ээлжит хуралдаан болж байна. Тус хуралд татвар, нийгмийн даатгалын багц хуулийн шинэчлэлийн талаар холбогдох сайд нар танилцуулга мэдээлэл хийж, зөвлөлийн гишүүдийн саналыг сонсжээ.

 

Засгийн газар татвар, нийгмийн даатгалын багц хуулийн өөрчлөлтийг иргэн, аж ахуйн нэгжүүдийн саналд үндэслэн боловсруулж, УИХ-д өргөн барих гэж Ерөнхий сайд Л.Оюун-Эрдэнэ тодотгожээ. 

 

Шинэчилж байгуулсан тус зөвлөлийн бүрэлдэхүүнд шинжлэх ухааны байгууллага, их, дээд сургууль, мэргэжлийн холбоод болон Монголын тэргүүлэх ТОП компаниудын удирдлага, хөрөнгө оруулагчид зэрэг 41 төлөөлөл багтдаг юм. 

 

Эдийн засгийн хөгжлийн зөвлөлийн дараагийн хурлаар Хөрөнгө оруулалтын тухай хуулийн төслийг хэлэлцэх бөгөөд тус хуулийн төсөлтэй холбоотой саналыг Засгийн газрын 11-11 төвд хүлээн авна гэв.