Монгол Улсын баатар үйлдвэр “Эрдэнэт үйлдвэр”-ийн 45 жил, Эрдэнэтийн-Овоо ордыг нээн, эрэл-хайгуул эхлүүлсний 60 жилийн ой энэ онд тохиож байна. Эрдэнэтийн-овоо ордыг ашиглаж эхэлснээс хойш өнгөрсөн 45 жилийн хугацаанд “Эрдэнэт үйлдвэр” улс орны нийгэм, эдийн засгийн хөгжилд онцгой хувь нэмэр оруулж ирсэн. Тэрчлэн геологийн шинжлэх ухаан, геологийн салбарын хөгжилд ч урагшлах бат суурь нь байлаа.
Түүхэн ойн хүрээнд Эрдэнэтийн-овоо орд, Эрдэнэтийн хүдрийн дүүрэг, ордын судлагдсан байдлын өнөөгийн түвшинд дүгнэлт хийж, цаашдын чиглэлээ тодорхойлохоор Эрдэм шинжилгээний хурлыг Үндэсний геологийн алба, Монгол Улсын Шинжлэх Ухааны Академи, Геологийн хүрээлэн,Монголын үйлдвэрлэлийн геологчдийн холбоо, ШУТИС, “Эрдэнэт үйлдвэр” ТӨҮГ-аас хамтран зохион байгуулж байна.
