Кибер халдлага, зөрчилтэй тэмцэх нийтийн төв, Удирдлагын академи болон Шинжлэх Ухаан Технологийн Их Сургуулийн Мэдээлэл, холбооны технологийн сургууль хамтран Мэдээллийн аюулгүй байдлын мэргэшүүлэх сургалт зохион байгуулах гэж байна. Энэхүү 24 цагийн танхимын сургалтаар Монгол Улсын кибер аюулгүй байдлын тогтолцоо, хууль эрхзүй, зохицуулалтын орчны талаар мэдлэг олгож, кибер халдлагын үед авах арга хэмжээг хэрэгжүүлэх ур чадварыг эзэмшүүлнэ.