“Дарханы төмөрлөгийн үйлдвэр” ХХК 2025 онд борлуулалтын орлогоо 593.1 тэрбум төгрөгт хүргэж, ажилтнуудынхаа дундаж цалинг 2.5 дахин нэмэгдүүлэн 5.3 сая төгрөгт хүргэсэн. Тэгвэл тус компани 2026 онд борлуулалтын орлогыг 655.9 тэрбум төгрөгт, ажилтнуудын дундаж цалинг 6.8 сая төгрөгт тус тус хүргэхээр ажиллаж байна гэв. 

“Дарханы төмөрлөгийн үйлдвэр” ХХК энэ оны 4 дүгээр сард 263,317 тонн төмрийн хүдрийн баяжмал экспортолж, компанийн түүхэнд хамгийн өндөр гүйцэтгэлтэй сар болоод байгаа юм. Тус компани 2026 оны I улиралд 36.8 тэрбум төгрөгийн татвар, шимтгэлийг улсын төсөвт төвлөрүүлжээ.