Санхүүгийн тогтвортой байдлын зөвлөл (СТБЗ)-ийн ээлжит бус хурал 2025 оны 4 дүгээр сарын 1-ний өдөр Сангийн Яам дээр зохион байгуулагдлаа. Тус хуралдааныг Сангийн сайд Б.Жавхлан даргалж, Монголбанкны Ерөнхийлөгч Б.Лхагвасүрэн, Санхүүгийн зохицуулах хорооны дарга Т.Жамбаажамц, Хадгаламжийн даатгалын корпорацийн гүйцэтгэх захирлын үүрэг гүйцэтгэгч С.Баатарсүрэн болон бусад холбогдох албаны хүмүүс хуралдаанд оролцлоо.
Хуралдаанаар, Гадаад валютын улсын нөөцийн өөрчлөлт, алтны санхүүжилтийн явцын талаар, Банкны салбарын гадаад валютын орох урсгалыг дэмжих саналын тухай асуудлуудыг тус тус хэлэлцсэн байна. Дээрх асуудлуудтай холбоотой авч хэрэгжүүлэх арга хэмжээний талаар Монголбанк, Монгол Улсын Засгийн газарт зөвлөмж хүргүүлэхээр шийдвэрлэжээ.
