Канад Улсын Торонто хотноо 2025 оны 3 дугаар сарын 2-5-ны өдөр болсон Канадын хайгуулч, олборлогчдын холбооны PDAC-2025 олон улсын чуулга уулзалтын үеэр 1000 гаруй үзэсгэлэнгийн талбай нээгдсэний дотор Канадын “Каталисте+” байгууллагын талбайд Монголын уурхайд ажиллаж буй эмэгтэйчүүдэд зориулсан гутлыг толилуулан тавьжээ.

 

Энэхүү гутлын загварыг Төв аймгийн “Содон Нар Трэйд” ХХК-ийн захирал Н.Сэвжидмаа бүтээсэн бөгөөд тэрээр Канад Улсын Засгийн газрын санхүүжилт бүхий “Каталисте+ МЕРИТ” төсөлд хамрагдсан аж.

 

“Каталисте+” нь 1967 онд байгуулагдсан эдийн засгийн хөгжлийн чиглэлд үйл ажиллагаа явуулдаг байгууллага бөгөөд Монгол Улсад "Институцийн өөрчлөлт хийх замаар эрдэс баялгийн менежментийг сайжруулах" МЕРИТ төслийг 2016-2024 онд хэрэгжүүлсэн билээ. Тус байгууллага нь энэ оноос эхлэн МЕРИТ төслийн хоёр дахь үе шатыг Монгол Улсад таван жилийн хугацаатайгаар эхлүүлээд байна.