УИХ-ын гишүүн Б.Уянга Өмнөговь аймаг дахь ШУТИС-ийн салбар технологийн дээд сургуульд ирэх 2 дугаар сард багшлахаар болсноо өөрийн цахим хуудсанаа хуваалцжээ. Тэрээр "Дэлхий түвшний оюунлаг инженерийг Өмнийн говьд бэлтгэнэ" уриатай Өмнөговь аймаг дахь ШУТИС-ийн салбар технологийн дээд сургуульд ШУТИС-ийн зөвлөх профессорын хувиар энэ 2 дугаар сард багшлахаар боллоо. Уул уурхайн чиглэлээр суралцаж буй 3-р курсын оюутнуудад “Монгол Улсын ашигт малтмалын хэтийн төлөв, эдийн засаг” хичээлийг орно. Нэгэнт Даланзадгадад суурин байх тул залуучууд руу чиглэсэн ажлуудыг зохион байгуулна аа. Өсвөр үеийнхэн маань идэвхтэй оролцоорой.