Аж үйлдвэр, эрдэс баялгийн яам, Монголын уул уурхайн үндэсний ассоциаци хамтран 12 дугаар сарын 25-нд эрдэс баялгийн салбарын 2024 оны шилдгүүдийг шалгаруулах "Miners Awards 2024" зарлагдлаа. Хайгуул, судалгаа шинжилгээний шилдэг байгууллага, Шилдэг хөрөнгө оруулагч, Хариуцлагатай уул уурхайг эрхэмлэгч, Шилдэг зураг төсөл боловсруулагч, Шилдэг туслан гүйцэтгэгч гэсэн таван номинацийн төлөө уул уурхайн салбарын оролцогчид өрсөлдөх юм.

 

Материал хүлээн авах хугацааг 2024 оны 12-дугаар сарын 16-ны өдрийн 18 цаг хүртэл товложээ. Жил бүрийн 12 дугаар сарын 25-нд болдог уурхайчдын баярыг тохиолдуулан "Miners Day 2024" хүндэтгэлийн арга хэмжээ Шангри-Ла зочид буудлын Их танхимд зохион байгуулах юм.